Kasunod sang kamatayon sang isa ka Filipino climber sa Mount Everest sa Nepal, ginkumpirma sang expedition organizer nga may isa na naman nga nagtaliwan samtang nagatinguha nga masaka ang world’s highest mountain.
Ginkilala ang latest fatality nga si Subrata Ghosh, 45, residente sang West Bengal state, India.
Nalab-ot sini ang 8,849-metre (29,000 feet) peak apang napatay halos sa 50 meters sa ubos sang summit.
“It seems he was exhausted and was showing signs of altitude sickness. We are waiting for his guide to return for more details,” suno kay Bodha Raj Bhandari sang Snowy Horizon Treks and Expedition.
Nahibaluan nga ginabansagan nga “death zone” ang areas nga above 8,000 meters bangud sa thin air kag low oxygen levels nga nagapasaka sang risgo sang altitude sickness.
Matandaan nga sang nagligad nga adlaw, napatay ang 45-anyos nga Filipino climber nga si Philipp “PJ” Santiago II samtang pakadto ini sa summit. Ginahulat ang dugang nga impormasyon halin sa awtoridad kun ano gid ang nangin rason sang iya kamatayon.
Sang nagligad nga tuig, masobra sa 800 climbers ang nakalab-ot sa tuktok sang Everest kun sa diin walo ang wala ginpalad kag ginpatay. Base sa reports, ang fatalities ang nagikan sa Nepal, Mongolia, Kenya, UK kag India.
Photo ©: Subrata Ghosh Archives
