ILOILO CITY–Nasapwan na lang nga nagahabil-habil ang liog kag may mga patal nga pilas sa tangkugo kag dughan tuga sang pagkabuno ang isa ka Indian national sa maligwin nga bahin sang barangay Lupa, Sta. Barbara, Iloilo.
Sa interview sang Bombo Radyo kay Punong Barangay Gina Subong sang amo nga lugar, iya ginkilala ang biktima nga si Bodhu Singh nga isa ka negosyante nga nagapautang sa lugar kag nagadayon sa boarding house nga ginapanag-iyahan sang pamilya Calaor. 
Suno naman kay Police Senior Inspector Rey Pabalan, hepe sang Sta. Barbara Municipal Police Station, mahimo nga may dala nga dako nga kantidad ang biktima.
Ini bangudnga regular nga nagapanukot si Singh sa mga may utang sa iya kag isa ini sa ginalantaw nga motibo sa pagpatay sa biktima.
Nakuha naman ang motor nga ginsakyan sang biktima, ginabanta isa ka kilometro gikan sa crime scene.