ILOILO CITY – Nakagwa na sa presuhan sa Mandurriao Police Station ang Indian National nga nakabunggo-patay sa isa ka medical frontliner matapos nga makabayad sang piyansa.
Ang biktikma ginkilala nga si Henry Jun samtang ang Indian national naman amo si Harjinder Gil, 44-anyos.
Sa interview sang Bombo Radyo kay PSSG Jessie Cabial, traffic investigator sang Mandurriao Police Station, iya ginpahayag nga gilayon nga nagpiyansa ang suspetsado matapos nga nagpasaka sang kaso ang pamilya sang biktima.
Nahibaluan nga santo sa autopsy, wala sang patal nga pilas sa ulo sang biktima bangud nga nakasuksok ini sang helmet apang wilwig ang isa ka hita sang biktima bangud sa mabaskog nga impact sang pagkabunggo.
Nagdepensa pa ang Indian national nga wala niya natalupangdan ang motorsiklo nga ginaskayan sang biktima apang suno sa tatlo ka mga sakay sang motorsiklo nga naulamid sa aksidente, hubog ang driver sang kotse.
Nahibalu-an nga nagtuyo pa nga magpalagyo ang Indian national rason nga iya nabunggu-an ang isa pa ka motorsiklo kun sa diin naka-angkon sang minor injuries ang tatlo ka mga sakay.
