Dakop ang isa ka kawatan matapos nga ini nga nagtuyo nga magpangawat sang isa ka laptop samtang may nagluntad sunog sa bahin sang Brgy. Benedicto, Jaro.
Sa interview sang Bombo Radyo kay Oliver Leonor, isa ka concerned citizen, iya ginpahayag nga nagabulig sa una ang indibidwal sa mga nasunugan, antes ini nga magpangawat.
Pahayag ni Leonor, gintago pa sang suspek ang laptop sa sulod sang iya panapton agud nga indi makit-an sang mga residente nga nagkawat ini sang isa ka gamit.
Gilayon man nga nadakpan ang suspek nga ginpahayag residente sang Brgy. Jereos kag gindala sa Iloilo City Police Station 9.
