QUITO, ECUADOR -Nagakahangawa ang isa ka indigenous community sa Ecuador, bangud sa posible pagkadula sang ila grupo, sa tion nga magtaas ang kaso sang coronavirus disease 2019 sa ila teritoryo.
Suno sa grupo sang Siekopai nga nagapuyo sa border sang Ecuador, kag Peru nga ginabug-osan sang 744 ka miyembro, nakarekord sila sang 15 ka kumpirmado nga kaso sang nasambit nga virus, sa diin duha ka mga tigulang ang nagkalamatay matapos nakitaan snag sintomas sang COVID-19.
Ginpahayag naman ni community President Justino Piaguaje, nga madamo nga miyembro sang grupo ang nakitaan sang sintomas nga kaangay sang virus, apang matapos nagpakonsulta government health center sa Tarapoa City, ginpahayag sang mga doktor nga may yara lang sang ‘nasty flu’ ang mga ini.
Nahibaluan nga dinosena na ka katapo sang indigenous community ang nagpalagyo kag nagpadulong sa Amazon rainforest agud didto na magpuyo, bangud man sa pamahog nga dala sang pandemic nga nagpatay sang 1,600 ka indibidwal sa Ecuador.
