Gin-anunsyo sang Brazil nga pormal na nga nag-upod bilang full member ang Indonesia sa intergovernmental organization nga BRICS nga ginalakipan man sang Russia, India, China kag South Africa.
Ang Indonesia amo ang ika-apat nga pungsod nga may pinakadaku nga populasyon sa bilog nga kalibutan.
Una na ini nga nagpabutyag sang interes nga mangin kabahin sang organisasyon agud nga mapabakod pa ang emerging countries kag mapalapad an mga interes sang ginatawag nga Global South.
Ang Brazil nga amo ang naga-uyat sang presidency sang bloc sa 2025 ang nagsiling nga na-aprubahan na sang bloc ang pag-upod sang Indonesia sang 2023, apang naatrasar bangud sa ila presidential elections.
“Indonesia shares with the other members of the group support for the reform of global governance institutions, and contributes positively to the deepening of cooperation in the Global South,” suno sa Brazilian government.
Nalakip man sa BRICS ang mga pungsod nga Egypt, Ethiopia, Iran kag United Arab Emirates.
