Nakabaton ang Indonesia sang labing-una nga shipment sang COVID-19 vaccine halin sa China.
Suno kay Indonesian President Joko Widodo, nakabaton ang nasambit nga pungsod sang 1.2 million doses sang Sinovac Biotech Limited nga iya sang China.
Pahayag niya, nagalaum ang gobyerno nga makabaton pa ang Indonesia sang dugang nga 1.8 million doses sa Enero sa masunod nga tuig.
Dugang pa sang presidente, kinahanglan pa nga i-validate sang food and drug agency sang pungsod ang bakuna samtang padayon nga ginahanda sang administrasyon ang pagpanagtag sini sa 270 million nga mga tawo.
