Nagapabilin nga mayor nga problema sang mga Pinoy ang padayon nga pagsaka sang presyo sang mga balaklon kag serbisyo.
Suno ini sa resulta sang survey sang Pulse Asia matapos nga ginpamangkot ang mga respondents kun ano sa ila panulukan ang tatlo ka mga nagapanguna nga isyu nga dapat aktuhan na sang gobyerno.
Nakasaad nga ang pagkontrol sang inflation amo ang ginakonsiderar sang kadam-an nga pinaka-urgent.
70% sang respondents ang nagsabat sini halin sa nagkalain-lain nga lugar kag socio-economic classes.
Sa amo man nga survey, nakasaad nga nakakuha ang administrasyon sang net approval rating nga -66 sa pagkontrol sang inflation — ukon 71 percent nga nag-disapprove, 24 percent nga undecided, kag 5 percent lamang ang nag-approve.
Nagapangaduha naman sa concern sang mga Pinoy amo ang bayad sa mga mamumugon nga may 36% kag ang ikatatlo amo ang kurapsyon nga may 26%.
Ini nga survey ang ginpatigayon halin sang Marso 6 tubtub 10, 2024, face to face, kag may 1,200 ka respondents.
May yara ini sang +/-2.8% error margin sa 95% confidence level. #
(Photo: REUTERS/Eloisa Lopez)
