Naglala ang inflation sang Hulyo sa tunga sang mas madasig nga pagtaas sang presyo sang mga utility, pagkaon, kag mga gasto sa transportasyon sa nasambit nga panahon.
Suno kay National Statistician kag Philippine Statistics Authority (PSA) chief Claire Dennis Mapa, ang inflation — nga nagatakos sa rate sang pagtaas sang presyo sang mga balaklon kag serbisyo — ang nagdasig sang 4.4% sang nagligad nga bulan, mas madasig kun ipaanggid sa 3.7% rate sang Hunyo.
Gindala sini ang year-to-date nga inflation print nga nagdangat sa 3.7%, nga yara sa gihapon sa ceiling sang gobyerno nga 2% tubtob 4%.
Sulod man ini sa forecast range sang Bangko Sentral ng Pilipinas (BSP) nga 4% tubtob 4.8%.
“Ang pangunahing dahilan ng mas mataas na antas ng inflation nitong Hulyo 2024 kaysa noong Hunyo 2024 ay mas mabilis na tumaas ang presyo ng Housing, Water, Electricity, Gas and Other Fuels sa antas na 2.3%.”
Ginpahayag sang opisyal nga ang utilities index amo ang may dako nga kontribusyon sa 70.4% sa kabug-usan nga inflation rate para sa Hulyo.
