Ginalantaw sang private sector analysts nga sulod gihapon sa target range sang Bangko Sentral ng Pilipinas (BSP) ang mangin inflation rate sang Pilipinas sa 2025 kag 2026.
Ang target sang central bank ang nagatupa sa dos tubtub kuwatro porsyento.
Base sa December 2024 Survey of External Forecasters sang bangko halin sang Disyembre 6-12, 2024, nagapabilin sa 3.1 percent kag 3.2 percent ang mean forecasts para sa duha ka tuig.
Base sa respondents, ang nagapanguna nga downside risks sa inflation amo ang padayon nga pagnubo sa presyo sang bugas kag ang pangkabug-usan nga paborable nga outlook sa global oil prices.
Apang may paandam man ang analysts sa posible nga upside risks lakip na ang problema sa suplay bangud sa geopolitical tensions, malain nga panahon, kag potensyal nga pagsaka sa balayran sa kuryente.
Gina-flag man nga risgo ang mas mataas nga wage adjustments kag ang protectionist US trade policies nga mahimo magpasaka sa inflation.
