Posible nga maga-dangat sa 2.3 tubtob 3.1 % ang inflation rate sa bulan sang Pebrero suno sa Bangko Sentral ng Pilipinas.
Suno sa BSP, pwede nga magapataas sa inflation ang pagmahal sang presyo sang bugas, isda kag produktong petrolyo.
Samtang, makabulig naman nga mapanubo ang inflation sa pagnubo sang presyo sang utanon, prutas kag karne.
Sang Enero, naglab-ot sa 2% ang inflation.
Suno pa sa ekonomista, posible nga magadasig ang pagtaas sang inflation subong nga tuig bangud sa ginatawag nga base effects nga halin pa sang nagligad nga tuig nagsugod.
