Napabilin sang Western Visayas nga yara sa 4.8 percent ang inflation rate nga nabalhag sang Philippine Statistic Authority (PSA) sang nagligad nga Agosto.
Sa interview sang Bombo Radyo kay Ma. Goretti Novilla, Supervising Statistical Specialist sang PSA, iya ginpahayag nga sugod sang Enero tubtob Agosto, ang inflation rate ang naga-average sang 3.8 %.
Suno kay Novilla, nagapanguna nga contributor sa inflation rate ang food and alcoholic beverages nga yara sa 6.2 percent.
Nagapangaduha naman diri ang Housing electricity kag fuel nga yara sa 5.6 percent.
Samtang, nagapangatlo ang Restaurant and Accomodation Services nga yara sa 6.2% ang inflation rate.
