ILOILO CITY – Ginalauman nga maga-settle sa range nga 7.8 tubtob 8.6 percent ang inflation subong nga bulan sang Disyembre.
Suno sa Bangko Sentral ng Pilipinas, ang rason sang ginalauman nga pagsaka pa sang inflation amo ang mas mataas nga electricity rates, ang manubo nga pagsaka sang presyo sang agricultural commodities, ang pagtaas man sang presyo sang karne kag isda kag amo man sang Liquefied Petroleum Gas.
Apang, ang pagnubo sa presyo sang gatung kag ang peso appreciation ang maka-contribute sa pagpahagan-hagan sang price pressures subong nga bulan.
Nahibaluan nga sang Nobyembre, na-record ang 14-year high inflation nga nagdangat sa 8 percent kag padayon pa nga nagalala.
Ang average inflation subong nga tuig ang yara sa 5.6 percent.
