Ginalantaw sang Bangko Sentral ng Pilipinas (BSP) nga magtupa sa tunga-tunga sang 3.4 tubtub 4.2 percent ang inflation rate sa Pilipinas sa bulan sang Hunyo.
Sa statement sang BSP, ginsiling nga ang mataas nga presyo sa bugas, ulutanon, karne kag isda ang mga rason nga posible mataas gihapon ang inflation sa pungsod.
Lakip man sa ginalantaw nga factors amo ang mataas nga presyo sang produktong-petrolyo kag ang pagluya sang balor sang peso.
Ginalantaw naman nga makapahagan-hagan sa consumer price index ang manubo nga power costs kag ang presyo sang mga prutas.
Matandaan nga yara sa 2.8% ang inflation sa imbukada sang tuig; nagtaas sa 3.4 percent sang Pebrero, 3.7 percent sang Marso, 3.8 percent sang Abril kag 3.9 percent sang Mayo bangud sa padayon man nga pagsaka sa presyo sang pagkaon, gatong, kag elektrisidad.
