Nagdasig ang inflation ukon ang pagsaka sang mga balaklon kag serbisyo sa pungsod sang nagligad nga bulan sa 2.3% ipaanggid sa 1.9% nga narekord sang Setyembre.
Suno sa Philippine Statistics Authority (PSA), ang mayor nga rason sang pagsaka sang inflation subong nga Oktubre amo ang mas mataas nga inflation sa pagkaon kag non-alcoholic beverages sa lebel nga 2.9% gikan sa 1.4% sang Setyembre.
Ang inflation sang bugas nagdasig man sa 9.6% gikan sa 5.7%.
Sa subong, ang average nga inflation halin Enero tubtob Oktubre yara sa 3.3%.
