Nagtaas ang gastu sang Pilipinas sa infrustruktura sang Enero-Nobyembre 2021 base sa data nga ginpagwa sang Department of Budget and Management (DBM).
Nagtaaas sang 49% ang Infrastructure expenditure sa bulan lang sang Nobyembre nga nagabalor sang ₱60-billion sa diin ang kabug-usan nga gastu ang naglab-ut sa ₱762.4 billion sa 11 ka bulan sang 2021, nagtaas sang 38.9% kun ikumpara sa tuig 2020.
Gintumod sang DBM ang pila ka mga nagapadayon nga proyekto sang Department of Public Works and Highways (DPWH) kag ang pila man ka public construction activities sa idalom sang COVID-19 restrictions ang nagpataas sa infratructure expenditure.
Suno sa DBM, ang gastus sa infrastructure ang isa sa mga rason sa mataas nga kabug-usan nga government expenditures sang Enero-Nobyembre nga naglab-ut sa ₱4.1 trillion, ini ang nagtaas sang 9.6% apang mas manubo sa target nga ₱4.7 trillion.
