Ginkumpirma sang Department of Public Works and Highways nga nagdangat sa P5.6 billion ang halit sa mga imprastraktura bangud sang paglaslas ni Super Typhoon Rolly.
Sa briefing kaupod si Presidente Rodrigo Duterte, ginpahayag ni DPWH Secretary Mark Villar nga P4.5 billion sa sini nga damage ang yara sa Region 5.
Santo sa report nga ginsumite sang team nga gindeploy sa amo nga rehiyon, P558 million ang halit sa major roads, P452 million sa mga taytay, P1.8 billion sa flood control, P1.358 million ang halit sa mga buildings, kag P352 million ang halit sa mga public buildings.
Suno kay Villar, ang halit sa imprastraktura sa Region IV-A alng yara sa P1.1 billion.
Nag-umpisa naman ang clearing operations sa bulig sang 4,900 ka personnel kag 776 pieces sang heavy equipment.
