Naka-umpisa na sa pagpanagtag sang module ang mga manunudlo sang Iloilo National High School (INHS) isa ka adlaw antes nagbukas ang school year 2021-2022.
Sa interview sang Bombo Radyo kay Edwin Faunal Mosura, Assistant Principal for Governance and Learner’s Support sa INHS, iya ginpahayag nga nakadepende sa choice of modality sang estudyante kun modular, online learning, ukon blended learning ang iya mode of education.
Suno kay Mosura, padayon man ang pagmonitor sang mga manunudlo sa ila nga mga estudyante agud nga indi makompromiso ang ila mga pagtuon sa tunga sang pandemya.
Dugang pa niya, ginatsikyar man liwat ang mga pangalan sang enrollees bangud may yara sang mga naulihi sa pagpa-check attendance rason nga wala naka-attend sang orientation.
