JANIUAY, ILOILO – Agaw-atensyon subong ang ginapahayag pagporma sang imahe ni Hesukristo sa bato sa sulod sang adoration chapel sa Janiuay, Iloilo.
Sa interview sang Bombo Radyo kay Linda Carman, Mother Butler, iya ginpahayag nga ang nasambit nga imahe ang yara sa grotto.
Ang chapel ang nahamtang sa kilid mismo sang Parokya ni San Julian de Cuenca.
Suno kay Carman, bata pa lang ini, hugot na ang iya nga pagtuo, rason nga natandog gid ini sang makita ang imahe.
Nahibaluan nga santo sa siyensya, ginatawag nga pareidolia ang paghatag sang kahulugan sang mga tawo sa mga bagay nga makita sang mata pinaagi sa pagpanumdom nga ang isa ka bagay ang daw kaangay sang isa ka bagay nga ginapanumdom sini.
Halimbawa na lang ang natabo sa adoration chapel sa diin ginapanumdom sang mga nakakita nga ang mantsa sa bato ang daw kaangay sang nawong ni Hesukristo.
Sang una, ang pareidolia ang ginalantaw nga isa ka balatian sa paminsaron.
Apang sang nangin normal na ini sa mga tawo, ginkuha na ini sa nga kaso sang balatian sa paminsaron kag ginkilala bilang normal nga characteristic sang isa ka tawo.
