ILOILO CITY – Opisyal na nga ginpakilala si Iñigo Pascual bilang si Ace Grayson sa Hollywood series nga “Monarch.”
September 2021 sang una nga gin-anunsiyo ni Iñigo nga kabahin siya sa casts sang musical TV series nga ‘Monarch’.
Ginpagwa ang trailer sang first major Hollywood project ni Iñigo kun sa diin kaupod niya ang Oscar-winning actress nga si Susan Sarandon kag ang iban pa nga mga award-winning stars.
Ang ‘Monarch’ ang isa ka istorya sang Roman family nga ginakabig nag pinakauna nga pamilya sang country music sa United States.
Si Ace Grayson ang isa na sa third-generation sang Roman family nga mangin isa ka successful singer pareho sa gindaku-an niya nga pamilya kag sang iya adoptive mother.
