ILOILO CITY – Ginalauman nga maabot na sa Enero sa masunod nga tuig ang inisyal nga unit sang modernized jeepney nga baklon sang Iloilo City Loop Alliance of Jeepney Operators and Drivers Association.
Sa interview sang Bombo Radyo kay Mr. Reymundo “Boyet” Parcon, presidente sang Iloilo City Loop Alliance of Jeepney Operators and Drivers Association, iya ginpahayag nga natalana sila nga magbakal sang 95 units sang modernized jeepney.
Sa amo nga numero, 30 ka units anay ang inisyal nga ihatag sang supplier.
Ini ang i-distribute sa 13 ka mga existing nga ruta sa syudad.
Ang gamiton sa pagbakal amo ang P200 million approved loan sang transport group.
