ILOILO CITY – Nagpaguwa sang Memorandum Order si Office of Civil Defense (OCD) 6 Director Jose Roberto Nuñez nga nagamandu sa tanan nga Disaster Risk Reduction and Management Council kaupod ang Department of Public Works and Highways (DPWH) sa paghimo sang assessment sa structural integrity sang mga imprastraktura sa rehiyon.
Ini ang kasunod sang magnitude 6.1 nga linog sa Zambales sang Abril 22 kag magnitude 6.5 nga linog sa Eastern Samar sang Abril 23.
Suno kay Nuñez, makabig nga ‘urgent’ ang pagpatigayon sang assessment sa structural integrity sa tanan nga imprastraktura bilang pagpanghanda sa tion nga mag-igo ang linog.
Magapatigayon sang ‘inspection’ ang OCD sa imprastraktura sa syudad sang Iloilo sa masunod nga semana.
Sa natabo nga linog sang damlag lang, wala naman sang may na record nga kahalitan sa rehiyon.
Panugyan sang OCD Regional Director, likawan ang pagsalangisag sa tion nga may linog kag sundon ang duck, cover and hold.
