Gin-athag ni Finance Secretary Benjamin Diokno nga indi pagpataasan ang buwis sa instant noodles apisar pa sang mataas sini nga sodium content.
Ang kada pack sang instant noodles nagaunod sang 1,500 milligrams tubtub masobra 2,000 mg sang sodium, samtang gina-rekomendar naman sa kada tawo nga magkonsumo lamang sang less than 2,300 mg kada adlaw.
Suno kay Diokno, bisan pa may 60% sodium content ini, indi pagpasakaan ang sukot sa buwis bangud amo sini masami ang ginakaon sang pigado nga mga pamilya.
“If you’re thinking of the noodles, which are really salty, we will not cover that. We know that many of our poor Filipinos consume that,” suno sa tiglikom.
Pagpaathag ini sang opisyal kasunod sang pahayag ni Budget Secretary Amenah Pangandaman sang nagligad nga semana nga ginaduso sang Marcos administration nga pasakaan ang buwis subong nga tuig partikular na sa sweetened beverages kag junk food.
Ini agud matapna ang diabetes, obesity, kag non-communicable diseases nga makuha sa poor diet.
Suno naman kay Diokno, nagapakig-angot na ang Department of Finance sa National Nutrition Council kag sa Department of Health agud makakuha sang lista kun ano ang ilakip nga mga pagkaon. #
