Gindagdagan sang isa ka tuig nga suspension sang Central Philippine University (CPU) ang instructor sa College of Pharmacy (COP) bangud sa madamo nga reklamo sang mga estudyante kag ginikanan angot sa kwestiyonable nga paghatag sang grades.
Ginhimo sang CPU Administrative Officer nga si Carmelle Frances Romero ang announcement angot sang instructor nga si Analie Serafino.
Base sa anunsiyo, natukiban sang unibersidad nga nag-isyu si Serafino sang mga grado apisar wala ini nagapatigayon sang face-to-face classes.
Magluwas sa suspension, gin-require man si Serafino nga magpaidalom sa counseling kag retraining sa epektibo nga pagtudlo kag estratehiya sa pag- evaluate sa mg estudyante.
Ginhingyo man ini nga magpasa sang pila ka class records para i-review sang College of Pharmacy.
Una diri, madamo ang nagtuhaw nga reklamo bangud sa pag-fail niya sa mga estudyante bisan nga wala sila sang regular classes.
