Nagpanawagan ang isa ka international humanitarian organization sa Israel kag Iran nga magpungko para sa negosasyon kag untaton na ang pagbaslanay sang missile attacks.
Suno kay Bombo Joseph Timothy Rivera, international correspondent sang Bombo Radyo sa Qatar kag Interim Country Director sang We Care for Humanity sa amo man nga pungsod, dapat nga sa tunga sang masingki nga inaway, hangpon sang duha ka nasyon nga mangibabaw ang human life kag kinahanglan gid ang diplomacy labaw sa warfare.
Ginduso sang grupo sa gobyerno sang duha ka nasyon nga magpakita sang moral courage kag global responsibility paagi sa pagtapos sang military actions kag mag-engage sa genuine kag constructive dialogue.
Nagapati ang organization nga ang political kag peaceful solutions ang dapat iprayoridad para ma-protektahan ang safeguard civilians kag mabalik ang regional stability.
Nagalaum man si Rivera nga ang Qatar nga kilala bilang peace broker sa Middle East ang magapatunga man agud nga mahagan-hagan ang tension.
Sa bahin sang organisasyon, ginaplano ang pag-convene sa Qatar para sa emergency peace summit para nga ipaabot ang humanitarian side kag mag-appeal sa concerned nga mga gobyerno.
