Nagsabat na si International rock star Arnel Pineda tuhoy sa alegasyon nga pagpanakit sini sa iya anay asawa.
Ginsiling sang iya manager nga si Yul Session nga ang kaso ang bilang balos lamang sang asawa sang singer.
Luyag niya pagguwaon nga mahigko ang reputasyon sang Journey frontman.
Ini bangud nga ginkasuhan ni Arnel ang asawa sini nga adultery duha na ka tuig nga nakaligad sa Bagiuo City kag sa Quezon City.
Suno pa sa abogado nga apisar nga may kaso nga gin-file si Arnel sa asawa wala gid niya ginpatup-an sang iya kamot.
Padayon man nga nagahatag sang sustento si Arnel ila mga anak.
Matandaan nga nagpagguwa ang korte sa Quezon City sang bench warrant bangud sa indi pagtambong sang singer sa mga natalanan nga hearing.
