CUBA – Temporaryo nga ipauntat ang interprovincial transportation sa Havana, Cuba bangud sa hinali nga pagtaas sang COVID-19 cases.
Ang pagpauntat sang transportasyon ang magalawig tubtub sa katapusan sang Setyembre kag magluwas diri, may yara man sang igapatuman nga curfew sa nasambit nga capital city.
Magluwas sa Havana, lakip man sa may pinakamadamo nga COVID-19 cases amo ang Ciego de Avila province rason nga istrikto nga ginapatuman sang otoridad ang mandatory nga pagsuksok sang mask, pagsunod sa social distancing kag iban pa nga quarantine protocol.
Bangud sini, ginalauman nga maganubo sang 10% ang economic growth sang Cuba subong nga tuig.
Ang Cuba ang may 4,593 nga COVID-19 cases, 2,345 naman ang naka-recover kag 106 ang ginbawi-an sang kabuhi.
