Nagakadapat nga magkuha sang International Certificate of Vaccination (ICV) sa Bureau of Quarantine ang tanan nga mga indibidwal nga may outbound travel ukon magabyahe sa luwas sang pungsod.
Ini ang santo sa pagsulundan sang National COVID-19 Vaccination Operation Center.
Sa interview sang Bombo Radyo kay Dr. Bea Camille Natalaray, spokesperson kag Head sang Non-Communicable Disease Section sang Department of Health (DOH) Region 6, iya ginpahayag nga halos tanan nga international countries ang naga-require sang International Certificate of Vaccination nagikan sa Bureau of Quarantine.
Gin-athag sang natungdan nga ang vaccination card nga nakuha sang isa ka indibidwal matapos ini ginbakunahan batok sa COVID-19, ang isa lamang sa rekisitos sa pagkuha sang ICV.
Dugang pa ni Dr. Natalaray, mahimo nga maka-proseso via online sa Bureau of Quarantine ang mga indibidwal nga magabyahe sa luwas nga pungsod.
