ILOILO CITY-Ginpa- Bombo sang pila ka residente sang San Antonio, Molo ang pagpasirado sa ila dalan nga ginbutangan sang barbed wire kag gubaon nga truck agud indi sila makalabay.
Sa interview sang Bombo Radyo kay Regie Salon, nagaistar sa lugar, ginkakibot nila nga may nagabalabag na sa ila dalan kag wala gid sila ginpahibalo tuhoy diri.
Suno kay Salon, sa pagkamatuod, ginaangkon sang isa ka indibidwal nga nagaapelido sang Salas ang amo nga area kag ginasugo sila nga maghalin apang bangud wala sang mapakita nga papeles kag wala man sang court order,rason nga nagpabilin sila sa pag-istar sa lugar.
Dugang niya, may yara man sang nagpahalin sa ila nga property developer kag gin-harass pa ang mga ini.
Nagapanindugan naman si Salon nga legal ang ila pag-istar sa duta kag kapin apat ka dekada na sila nga nagatinir sa area.
Bukas naman ang Bombo Radyo sa mangin sabat sang ginareklamo nga developer.
