ILOILO CITY – All systems go na ang Iloilo Police Provincial Office para sa patigayunon nga 18th National Scout Jamboree sa Passi City sa Disyembre 11 tubtob 17.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga gamay na lamang nga fine tuning ang kinahanglanon.
Suno kay Araño, masobra sa 900 ka mga personnel ang i-deploy dugangan pa sang katapo sang Philippine Army kag iban pa nga law enforcement unit.
Pahayag niya, maga-upod man sa deployment ang 3, 000 nga mga force multiplier agud nga masiguro ang seguridad sang aktibidad.
Dugang pa niya, naga-coordinate man sila sa local government unit.
