ILOILO – All systems go na ang Iloilo Police Provincial Office sa mga places of convergence sa probinsya sang Iloilo kadungan sang semana santa.
Ini agud masiguro ang seguridad sang mga pumuluyo nga magapadulong sa probinsya agud makaupod ang ila mga himata.
Sa interview sang Bombo Radyo kay Police Major Rolando Araño, spokeperson sang Iloilo Police Provincial Office, iya ginpahayag nga may yara sang ipahamtang nga mga police assistance desk agud magiyahan ang publiko nga nagakinahanglan sang bulig.
Suno kay Araño, magluwas sa mga police personnel nga i-deploy, yara man ang mga katapo sang Armed Forces of the Philippines, Bureau of Fire Protection, Municipal Disaster Risk Reduction and Management Office, force multipliers kag volunteer groups para sa dugang nga seguridad sa mga kabanwahanan.
Ginpahayag dugang sang natungdan nga wala ini sang may na-monitor nga pagpamahog, apang makasalig ang mga pumuluyo nga naka-heightened alert ang mga otoridad sa tion sang emerhensya.
