ILOILO CITY – Ginpanginwala ni Iloilo Police Provincial Office (IPPO) director Senior Supt. Marlon Tayaba nga tinawo niya si PO2 Melvin Mocorro.
Ini matapos ang pahayag sang isa ka retired police nga nagpahinago lang sang pangalan nga tinawo ni Tayaba si Mocorro.
Sa interview sang Bombo Radyo kay Tayaba, iya ginpanginwala ang akusasyon apang gin-ako nga magkaupod sila sadto sa Criminal Investigation and Detection Group (CIDG) sa Negros kag sa Police Regional Office sang Autonomous Region in Muslim Mindanao.
Isa man sa dapat nga usisaon suno sa IPPO director kun nga-a yari diri sa Iloilo si Mocorro apisar nga assigned ini sa ARMM Regional Mobile Force Battalion.
Gin-ako naman ni Senior Supt. Tayaba nga nagabisita man sa iya si PO2 Mocorro.