ILOILO- Indi kumbinsido si Iloilo Police Colonel Roland Vilela sa mga ginrason sang 50 ka mga kapulisan nga nadakpan nga wala sa ila post apisar naka full alert status ang Philippine National Police bangud sa transport strike sang nakaligad nga lunes.
Sa interview sang Bombo Radyo kay Vilela, iya ginpahayag nga palusot nalang sang mga pulis ang ila sini rason nga ginhatag.
Suno kay Vilela, ang indi niya mabatun nga mga rason ang ginalakipan sang pagpatrolya apang wala sang ginpakita nga patrol plan, May mga intelligence officer nga nagpatigayun sang monitoring apang sang iya ginsekyar sa Intelligence division, wala sang may ginpasa nga intel report, may case conference nga ginkadtuan apang wala sang ginpakita nga subpoena.
Indi man niya mabatun suno kay Vilela ang sick leave nga rason bangud para sa iya ngaa gindungan gid sa full alert status ang leave.
Pahayag pa ni Vilela, gintugyan na niya sa Provincial Investigation and Detective Management Division ang mga pulis nga indi niya mabatun ang rason, sa diin kun mapamatud-an nga nagabinutig makabig nga grave offense ang ila ginhimo.
Sa subong suno sa natungdan, pakasaan sang kaso nga abandonment of duty ang mga pulis kag kun makahimo pagid sang sala nakadepende na sa masunod nga provincial director ang pagdismiss sa ila
