ILOILO – Naghingyo si Iloilo Police Provincial Office Director Police Col. Roland Vilela sa Land Transportation Office nga magdugang sang pulis sa mga dalanon sa probinsya sang Iloilo.
Sa interview sang Bombo Radyo kay Vilela, iya ginpahayag nga nagadamo na ang mga biktima sang vehicular accident.
Suno kay Vilela, ang paghingyo niya sa Land Transportation Office ang pamaagi agud nga mahatagan sang otoridad ang mga kapulisan nga mag-isyu sang ticket sa tagsa ka traffic violator ilabi na kun wala sang traffic enforcers sa banwa.
Sa record sang Iloilo Police Provincial Office, 4,010 ka traffic violators ang natigayon nga madakpan sang nakaligad nga bulan kag humalin sang Enero, masobra 100 na ang mga nagkalamatay bangud sa aksidente.
Kalabanan sa traffic violators amo ang mga wala sang driver’s license, wala sang suksok nga helmet, expired ang official receipt kag certificate of registration.
