ILOILO CITY- Hingagawon sang director sang Iloilo Police Provincial Office nga makilala kag madakpan ang duha pa ka mga at-large nga suspek sa twin robbery hold up sa Dingle, Iloilo.
Sa interview sang Bombo Radyo kay Pol. Col. Roland Vilela, iya ginpahayag nga tinguhaan niya nga masolbar ang krimen nga kahimuan sang mga myembro sang Lebuna and Lego robbery group.
Matandaan nga patay ang isa sa tatlo ka mga suspek nga si Dominic Fresas, 22, taga Rizal Ilawod, Calinog, Iloilo.
Suno kay Vilela,kun pasugtan siya, palawigon pa niya ang pagtinir sa iya posisyon agud madakpan pa gid ang iban pa ka mga suspek.
Nahibaluan nga si Vilela ang magapadulong sa Estados Unidos agud mangin police attache sa sulod sang tatlo ka tuig.
Buslan naman si Vilela ni Police Colonel Paul Kenneth Lucas bilang Oifficer In- Charge sang Iloilo Police Provincial Office umpisa sa Pebrero 12.
