ILOILO – Magahatag sang reward ukon dugang nga panggastos si Iloilo Police Provincial Office Director Police Col. Roland Vilela sa chief of police nga makadakop sa no 1 drug personality sa probinsya sang Iloilo kag sa Western Visayas nga si Ernesto Bolivar.
Sa interview sang Bombo Radyo kay Vilela, iya ginpahayag nga ang P100,000 nga padya ang iya mismo personal nga kwarta.
Suno kay Vilela, mabudlay dakpon si Bolivar rason nga iya nga pagahatagan sang reward ang makadakop sa drug personality.
Ginpahayag ni Vilela nga ang nasambit nga lihok ang kabahin man sang iya kampanya batok sa illegal drugs.
Sa subong suno sa Director sang Iloilo Police Provincial Office, ginapaidalom pa sa validation ang report nga nakita ang presensya ni Bolivar sa probinsya sang Iloilo.
