Gin-athag sang Iloilo Police Provincial Office (IPPO) nga ang rolyo sang pulis ukon enforcers sa border control points sang probinsya sang Iloilo, amo ang tsikyaron kun may travel pass nga dala ang mga byahero.
Ini ang kasunod man sang duha ka semana nga pagdumili sa mga Indian national nga makasulod sa banwa sang Janiuay, Iloilo santo sa Executive Order No. 48 nga ginpagwa ni Mayor Bienvinido Margarico may kaangtanan sa istrikto nga municipal quarantine umpisa Hunyo 4-18.
Sa interview sang Bombo Radyo ky Police Col. Gilbert Gorero, Director sang IPPO, iya ginpahayag nga ang katuyuan sang mga nagalabay sa kada border control points ang nakadepende sa pagsulundan sang Iloilo Provincial Government.
Suno kay Gorero, ang ila lamang katungdanan, amo ang siguraduhon nga ang tanan nga nagalabay sa mga checkpoint ang may yara sang travel pass, quarantine pass ukon identification card (ID).
Gin-athag ni Gorero nga kun ang isa ka nagapautang nga Indian national ang ginhatagan man sang travel pass, wala man sila sang may nakita nga rason nga indi ini pagpalabayon sa border control points.
Matandaan nga una na ginpahayag ni Pol. Maj. Eleazar Climacosa, hepe sang Janiuay Municipal Police Station, sa interview sang Bombo Radyo, nga nadala ini nga mga foreign national sa mga collector kag non-residents nga temporaryo nga ginadumulian sa banwa sang Janiuay, Iloilo.
