ILOILO– Nagakahangawa ang Iloilo Police Provincial Office sa presensya sang Communist Party of the Philippines- New Peoples Army sa pila ka mga banwa sa probinsya sang Iloilo.
Sa interview sang Bombo Radyo kay Iloilo Police Provincial Office director Police Colonel Roland Vilela, iya ginpahayag nga pila ka mga banwa sa first kag second district ang may yara sang presensya sang rebelde nga grupo.
Suno kay Vilela, indi pa kumpleto ang listahan bangud may pila pa ka mga banwa nga padayun nga ginamonitor.
Ginpahayag ni Vilela nga sa bahin sang recruitment, mga kabataan ang kalabanan nga ginarecruit sang mga rebelde agud mangin kabahin sang ila grupo.
.
