Ginklaro sang Iloilo Police Provincial Office (IPPO) nga wala sang may ginlapas nga layi ang police personnel sang Regional Police Drug Enforcement Unit (RPDEU) nga nakastigohan sa isa ka namatyan sa Barangay Janipa-an West, Mina, Iloilo kaagahon sang Mayo 29, 2026.
Suno kay Pcol. Bayani Razalan, direktor sang IPPO, iya ginpahayag nga ang pagkadto sang intelligence operative sa amo nga namatyan may kaangtanan sa iya katungdanan bilang miyembro sang Regional Police Drug Enforcement Unit.
Base sa inisyal nga imbestigasyon sang IPPO, wala naga sugal sang amo nga tinion ang intelligence operative kag nagalantaw lamang sang nagluntad ang komosyon.
Ginakabig naman sang mga ini nga biktima sa insidente ang amo nga police personnel bangud sa mga pilas nga naagom sini matapos ini nga ginsapote.
Nahibaluan nga ang amo nga intelligence operative ang nagarangko sang Police Corporal kag residente sang Barangay Ingore, La Paz, Iloilo City.
Nagapasiguro naman ang IPPO nga himuon ang patas nga imbestigasyon agud mahibaluan ang matuod nga kamatuoran nahanungod sa amo nga insidente.
