ILOILO CITY–Ginpanindugan sang  Iloilo Police  Provincial Office (IPPO)  nga wala sang political color ang pagserbe sang search warrant kay Calinog, Iloilo Mayoralty candidate kag incumbent Sangguniang Bayan (SB) member  Francisco “Iko” Calvo.
Sa interview sang Bombo Radyo kay IPPO Director S/Supt. Marlon Tayaba, ginpahayag sini nga indi nila kilala si  Calvo, kag wala sang sila sang kaangtanan sa kun sin-o man nga pulitiko sa banwa sang Calinog.
Gin-athag man ni Tayaba nga ginahimo lang nila ang ila trabaho bilang mga law enforcers kag mapasiguro nga malinong ang probinsya sang Iloilo.
Suno kay Tayaba,  ang pagserbe nila sang search warrant ang santo man sa mga anonynmous text kag sulat nga ginpalab-ot sa ila talatapan sang mga tawo sa banwa sang Calinog sa ginapahayag indescriminate firing ni Calvo, lakip na nga kun kaisa makit-an ini nga nagataklos sang pusil sa ila banwa.
Suno kay Tayaba nga nagpatigayun sila sang monitoring kag validation sang impormasyon kag ila ini napamatud-an nga may yara sang insidente sang pagpalupok sang armas.
Ang nasambit nga mga impormasyon ang rason nga nag-apply sang search warrant sa caliber 9mm, m16 armalite rifle kag .45 caliber pistol apang wala narecober ang 9mm sa baylo natigayun nga nakuha ang mga bala kag empty shells sang nasambit nga armas lakip na ang .25 caliber pistol kag .22 long barrel.
Hingyu-on naman nila suno kay Tayaba ang kanselasyon sang Licence to Own and Possess Firearms (LTOPF) ni  Calvo.//