ILOILO CITY–Ginpatpat sang Iloilo Police Provincial Office ang pagserbe sang 14 ka search warrant sa mga banwa sa fifth district sa probinsya sang Iloilo.
Sa interview sang Bombo Radyo kay Police Senior Superintendent Marlon Tayaba, Director sang IPPO, iya ginpahayag nga 14 ka search warrants ang ginserbe  sa siyam ka mga subject persons sa 14 man ka lugar.
Subject sa mga search warrants sanday anay Sara Mayor Neptali “Tali” Salcedo; mga kabataan nga sanday dismissed SPO4 Nerio “Ricky” Salcedo III kag Nixon Salcedo Sr; mag-utod nga James kag Jake Balsomo II; Frank Jorge Sanson; Henry Balume, Ricky Paciente, Joni Balume kag isa pa ka anay punong barangay.
Suno kay Tayaba, dungan nga ginserbe ang mga search warrants para sa illegal possession of firearms, ammunitions and explosives sa nagkalain lain nga banwa sa fifth district.
Ginapahayag nga konektado man sa mga Salcedo ang mga subject persons sa Estancia, Lemery kag Banate.