Maga-deploy ang Iloilo Police Provincial Office (IPPO) sang katapo sang mga pulis sa mga patyo sa probinsya para sa Fiesta Minatay.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga magabutang man sila sang visitors screening areas sa tagsa ka patyo kag magapahamtang man sang police assistants hub sa higway, airports, pantalan, terminals kag malls.
Suno kay Araño, i-intensify man sang talatapan ang ila police patrolling kag ang police visibility sa tagsa ka banwa.
Ginpahayag man sini nga magabutang man sila sang road marshals agud nga mapabaskog ang police checkpoints.
May gin-organize man ang IPPO nga police quick response team agud nga masekyar ang safety sang mga pumuluyo.
