Iloilo – Magapadayon sa gihapon ang operasyon sang Iloilo Police Provincial Office samtang nagahulat sang order nagikan sa Philippine National Police headquarters natuhoy sa masunod nga provincial director.
Matandaan nga nagpasa sang sulat si Iloilo Governor Arthur Defensor Jr. nga nagarekomendar kay Police Colonel Ronaldo Palomo bilang masunod nga provincial director.
Nahibaluan nga si Police Colonel Noel Aliño amo sa subong ang acting Provincial Director sang talatapan.
Sa interview sang Bombo Radyo kay Police Lieutenant Colonel Ronnie Brillo, Deputy Provincial Director for administration sang Iloilo Police Provincial Office, iya ginpahayag nga bisan sin-o man ang ibutang sa pwesto, nagapadayon sa gihapon ang mga kapulisan sa pagtuman sang tagsa nila ka mga katungdanan.
Suno kay Brillo, indi apektado ang mga kapulisan apisar sang sitwasyon.
Sa subong, indi pa matul-id kun sin-o ang masunod sa pagpili sang direktor– kun ang gin-endorso sang local chief executive ukon ang ginpili sang pamunuan sang Philippine National Police.
