ILOILO – Ginkumpirma ni Police Col. Marlon Tayaba nga pormal na nga nagtapos ang iya pagpamuno bilang Iloilo Police Provincial Office Director.
Sa interview sang Bombo Radyo kay Tayaba, iya ginpahayag nga epektibo sang Agosto 6, siya na ang bag-o nga chief directorial staff sang Police Regional Office 6.
Suno kay Tayaba si Police Col. Roland Alonzo Vilela na ang bag-o nga Director sang Iloilo Police Provincial Office.
Ginpahayag ni Tayaba nga si Vilela ang outgoing Regional Controllership Division Chief sang Cagayan Valley kag miyembro sang Philippine National Police Academy class of 1997.
Nangin acting chief man si Vilela sang finance management division kag pinuno sang Philippine National Police Civil Security Group.
Sa subong suno kay Tayaba, ginahitso pa ni Vilela ang iya mga dokumento bilang Director sang Iloilo Police Provincial Office.
