Nagapabilin nga alerto ang Iloilo Provincial Police Office (IPPO) samtang nagahulat sang official memorandum antes magpatigayon sang posible nga pagdakop kay Sen. Ronald ‘Bato’ dela Rosa.
Sa interview sang Bombo Radyo kay Pol. Lt. Col. Arnel Solis, spokesperson sang Iloilo Provincial Police Office, ginpahayag niya nga tubtob subong wala pa sila sang nabaton nga directive order kaupod ang kopya sang warrant of arrest halin sa higher office.
Madumduman nga sang nagligad nga Mayo 20, ginbasura sang Supreme Court ang pangabay ni Sen. Dela Rosa nga tagaan ini sang Temporary Restraining Order agud balabagan ang International Criminal Court sa pag issue sang arrest warrant batok sa iya.
Ginpabutyag man ni Solis nga obligasyon sang Iloilo Provincial Police Office nga tumanon kag ipatuman ang bisan ano nga legal nga warrant of arrest basta may nagakaigo nga mando halin sa higher authority.
