Liga ng mga Barangay President Neptali “Wangyu” Salcedo Jr. of Sara, Iloilo.
SARA, ILOILO – Nagapati ang Iloilo Police Provincial Office (IPPO) nga may yara sang ‘leakage’ nga natabo bag-o pa man ginserbe ang search warrant kay Liga ng mga Barangay President Neptali “Wangyu” Salcedo Jr. sang Sara, Iloilo.
Suno kay IPPO Director Police Colonel Marlon Tayaba nga may ‘leakage of information’ rason nga negatibo ang resulta sang search warrant implementation.
Ginpahayag ni Tayaba nga may lima ka armas si Salcedo nga wala ma-renew ang lisensiya kag naka-address sa Barangay Anoring rason nga nag-apply sila sang search warrant sa korte.
Gin-athag man sang IPPO Director nga nga kun makita ang mga armas sa lain nga address, mahimo nga makasuhan ang tag-iya sang illegal possession of firearms kag mahimo nga mabawi anga lisensya sang pusil.
Nahibalu-an nga wala na sang may nakita nga mga armas kag wala man naabutan sang otoridad sa iya balay si Salcedo.
