Naghatag sang direktiba Iloilo Police Provincial Office (IPPO) sa mga hepe sang probinsya nga nga i-monitor ang ila mga katapo ilabi na ang mga nagapartisipar sa iligal nga buluhaton.
Ini kasunod man sang reklamo batok sa isa ka patrolman nga ginapahayag nagpanghilo sang inugbulang nga manok sa Coliseo de Leganes sa Brgy. San Vicente, Leganes, Iloilo.
Natabo ini sang Sabado, Marso 29, kun sa diin ang involved nga personnel ang ginapahayag nga naka-assign sa Police Station 7 sa syudad.
Sa interview sang Bombo Radyo kay Police Colonel Bayani Razalan, Director sang Iloilo Police Provincial Office, iya ginpahayag nga nakaistoryahanay na ang tag-iya sang manok nga ginhiluan kaupod ang pulis.
Suno kay Razalan, nakatalana nga maghilisugot ang duha ka kampo nga mag-areglohanay kag nakadependi na sa biktima kon batunon niya ini ukon indi.
Gin-ako man sang natungdan nga anay na may ginkasohan sa ila nga katapo bangud sa amo nga buluhaton.
Liwat man ini nagpaandam sa kapulisan nga hugot ginadumilian ang pagpakigbahin sa mga illegal gambling.
