ILOILO CITY – Nagpaandam ang Iloilo Police Provincial Office sa publiko matapos gin-hack ang ila official Facebook page.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahahayag nga matapos gin-hack, nag-post ang hackers sang nudity/sexual content sa ila page.
Suno kay Araño, may nagpadala sa ila sang mensahe nga nagapakilala nga Facebook Business Managers kag gin-engganyo ang Iloilo Police Provincial Office nga i-activate ang page sa business account.
Ginpahayag ni Araño nga sang Abril 18, indi na maka-post ang editor sa ila page.
Gilayon naman nga gin-report sa Regional Anti-Cybercrime Unit 6 ang insidente sang Abril 19 sa diin, nakaayo na ini.
Nagpanugyan man ang natungdan sa publiko nga i-report sa Facebook kun makakita pa ang mga ini sang post nga naga-unod sang nudity ukon may sexcual content agud makakas sa ila page.
Ginpasigurado man ni Araño nga ginahimo na nila ang tanan agud mabawi ang ila page.
Nahibaluan nga ang page sang Iloilo Police Provincial Office ang may kapin 50,000 ka mga followers.
