Nagpasalig ang Iloilo Police Provincial Office nga indi na liwat matabo ang pagpalagyo sang preso matapos ang insidente sa Balasan police.
Sang damlag lang, nakapalagyo si Jason Navales, 20-anyos, nga may kaso nga carnapping, samtang yara sa patrol vehicle kag naglumpat ini sa mabukid nga parte sang Carles. Padulong kuntani sa Carles ang mga pulis para sa follow-up operation sa mga ginkawat sang suspek.
Sa interview sang Bombo Radyo kay Police Major Rolando Araño, tagpamaba sang IPPO, ginpahayag sini nga may ginpatuman na nga preventive measures, lakip na ang pagbawal sa pagpagwa sang mga detainee nga wala sang court clearance.
Ginmandu naman ni PRO 6 Regional Director Police Brigadier General Josefino Ligan ang pag-relieve sa mga personnel nga involved samtang nagapadayon ang imbestigasyon kag fact-finding.
