Nagpasalig ang Iloilo Police Provincial Office (IPPO) sa pamilya sang duha ka biktima sang pagpangluthang sa Brgy. Ungka 1, Pavia, Iloilo, nga nagluntad sa kagab-ihun sang Abril 14, nga mahatagan gid sang hustisya ang ila nga mga himata.
Sa interview sang Bombo Radyo kay Police Lieutenant Colonel Rolando Araño, spokesperson sang IPPO, iya ginpahayag nga ginapasiguro gid sang mga kapulisan nga madakpan ang suspek sa nasambit nga shooting incident nga gintunaan gid sang kamatayon sang isa sa mga biktima.
Suno sa iya, ginasundan nila nga anggulo ang posible nga Love Triangle, problema sa trabaho, kag personal nga hiligut-anon.
Ginpahayag pa ni Araño nga apisar isa lang ka motorista ang nakit-an sa CCTV Footage nga suspek sa pagpangluthang, wala nila ginadula ang posibilidad nga may ara pa ini sang kaupdanan.
Nahibaluan nga naghatag naman sang direktiba si IPPO Director Police Colonel Bayani Razalan nga imbestigaran sang mayo ang insidente.
Sa subong, nagapanawagan ang mga kapulisan sa publiko sa kun sin-o man ang may ara sang impormasyon nga makabulig sa imbestigasyon nga magpakig-angot lang sa ila.
 sa pamilya sang duha ka biktima sang pagpangluthang sa Brgy. Ungka 1, Pavia, Iloilo, nga nagluntad sa kagab-ihun sang Abril 14, nga mahatagan gid sang hustisya ang ila nga mga himata){kind=link}